Ғарб дар бораи таъсиси Хилофат
Вазири корҳои хориҷии Бритониё Лорд Керзон, ки дар замони дар мансаб буданаш Хилофат барҳам хӯрдааст, боре гуфтааст:
«Мо Туркияро барҳам додем ва пас аз ин ҳеҷ гоҳ барқарор намешавад. Зеро мо қудрати онро, ки дар ду чиз — Ислом ва Хилофат таҷассум ёфта буд, бартараф кардем.»
Бист соли охир барои мусулмонон бо шиддат ёфтани муқовимати байни кишварҳои сармоядорӣ бо Ислом ва мусулмонон қайд гардид, зеро, Уммати Исломӣ дар тӯли даҳсолаи охир дар самти ақидавӣ ва фикрӣ пешрафт кард. Агар дар солҳои 1990-2000-ум дар байни воизон ва ҷамоатҳои исломӣ масъалаи барпои ҳатмии Хилофат баррасӣ шуда бошад, имрӯз пас аз дарк кардани матнҳои шаръӣ, ки на танҳо таъсиси ҳатмии Хилофатро нишон медиҳанд, балки дар байни касоне ки оиди барпои Хилофати дуввумин рошида пешгӯӣ мекунанд, дигар ҳеҷ шакке дар бораи ваҳдат дар байни ҷамоатҳои самимӣ ва олимон дар ин масъала боқӣ намондааст. Таҳаввулоти мазкур дар олами исломӣ Ғарбро бори дигар ноором мекунад, зеро мусулмонон тасмим гирифтаанд, ки Хилофатро дар арсаи байналмилалӣ барқарор кунанд.
Аммо, бо вуҷуди ин, мутаассифона, як қисми мусулмонон ҳастанд, ки бо маърифати секуляристӣ ва демократия заҳролудшудаанд, ба дурнамои, таъсис ва гул-гулшукуфии минбаъдаи Хилофати Исломӣ, ки рисолати исломро паҳн мекунад, адолатро дар саросари ҷаҳон пойдор мекунад, дар хусуси башарият ғамхорӣ мекунад ва мушкилоти онҳоро ба тариқи беҳтарин ҳал мекунад, шубҳа доранд. Сабабҳои чунин назари онҳо зиёданд, аз ҷумла:
«Чунин системаи идоракунӣ кӯҳна шудааст ва дар воқеияти муосир наметавонад мушкилоти инсониятро ҳал кунад»,
«Мусулмонон заифанд ва чунин лоиҳаро амалӣ карда наметавонанд»,
«демократия бо озодиҳои худ беҳтарин чизест, ки имрӯз роҳнамоӣ мекунад»,
— мегӯянд онҳо.
Дар ҳоле ки имрӯз тамоми ҷаҳон дар мубориза бо мусулмонон ва эҳёи Ислом ҳамчун давлат муттаҳид шудаанд, пешвоён ва муфаккирони онҳо дар бораи пешгирии пайдоиши давлати исломӣ дар арсаи ҷаҳонӣ садо баланд мекунанд. Бар хилофи оммаи мусулмонони дар боло зикршуда, онҳо барпошавии хилофатро ҷиддӣ қабул доранд.
Дар поён баъзе гузоришҳо, таҳлилҳо, изҳорот ва нигарониҳои роҳбарони давлатҳои пешрафта ва муфаккирони онҳо дар бораи интизориҳои Ғарб аз бозгашти Хилофат оварда шудаанд:
- Президенти Русия Владимир Путин моҳи декабри соли 2002 эълом дошт: «Терроризми байналмилалӣ ба хотири ҷанг ба суқути кишвар ва таъсиси Хилофати Исломӣ алайҳи Русия ҷанг эълом кардааст.» Вай ин суханонро дар як пахши мустақими телевизионӣ ҳангоми сӯҳбат бо мардум изҳор намуд ва дар он ҷо ба 50 савол, ки аз ду миллион занги телефонии аҳолии Русия интихоб шудаанд, посух дод;
- Ҳенри Киссинҷер, ки 6-уми ноябри соли 2004 дар Ҳиндустон дар конфронси дуввуми «Ҳиндустон Таймс» барои роҳбарони низомӣ дар баромади худ гуфт: “Таҳдид аз терроризме, ки мо 11-уми сентябри соли 2001 дидем, ба вуҷуд намеояд. Таҳдид аз исломи ақидавӣ ва экстремистӣ, ки исломи мӯътадилро бекор кардан мехоҳад ба вуҷуд меояд ва ба масъалаи Хилофати исломӣ ба тарзи дигар менигарад”.
- Рӯзномаи «Ал-Ҳаёт» аз 15-уми январи соли 2005 гузоришеро нашр кард, ки онро оҷонсии Reuters-и Амрико интишор кардааст ва дар он пешгӯиҳо дар асоси мулоқоти ҳазорон коршиносони ҳамаи панҷ қитъаи ҷаҳон дар бораи сенарияи оянда то соли 2020 дохил карда шудаанд. Ҳадафи ин гузориш кӯмак ба маъмурони иктишофӣ ва таҳиягарони сиёсат дар пешгирии мушкилоти солҳои оянда мебошад. Тибқи ин гузориш, «идомаи ҳамлаҳои террористӣ» — ро бояд интизор шуд. Дар гузориш чор сенарияи эҳтимолии рӯйдодҳои ҷаҳон зикр шудаанд. Сеюми ин сенарияҳо «Хилофати нав» мебошад;
- Сарвазири собиқи Бритониё Тони Блэр рӯзи 16-уми июли соли 2005 изҳор дошт: «Мо ба ҳаракате муқобилем, ки мехоҳад давлати Исроилро нобуд кунад, Ғарбро аз олами Ислом дур бисозад ва давлати ягонаи исломиро бунёд кунад, ки бо роҳи барпои Хилофат барои тамоми Уммати Исломӣ шариатро дар олами Ислом татбиқ хоҳад кард». Инчунин моҳи сентябри соли 2005 ӯ изҳор дошт: «Хуруҷи мо аз Ироқ дар айни замон метавонад боиси пайдоиши Хилофат дар Ховари Миёна гардад»;
- Вазири корҳои дохилии Бритониё Чарлз Кларк, ки 6-уми октябри соли 2005 дар Пажӯҳишгоҳи «Heritage» суханронӣ мекард, гуфт: «Ҳеҷ сухане дар бораи музокирот дар бораи барқарорсозии давлати Хилофат шуда наметавонад, ҳамон тавре ки дар бораи муҳокимаи татбиқи қонунҳои (шариат) Ислом низ ҳарф задан мумкин нест».
- Ҷорҷ Буш дар паёми президентии худ ба мардум 8-уми ноябри соли 2005 гуфт: «Ман боварӣ дорам, ки агар ҷангҷӯёни мусаллаҳ муваффақ шаванд, ки ҳадди аққал як кишварро ба даст гиранд, онҳо ба ҳукмронии халқҳои исломӣ шурӯъ хоҳанд кард. Он гоҳ онҳо метавонанд тамоми ҳукуматҳои мӯътадилро дар минтақа сарнагун созанд ва сипас як империяи радикалии исломиро ташкил диҳанд, ки аз Испания то Индонезия тӯл мекашад»;
- 5-уми декабри соли 2005 котиби дифоъи ИМА Доналд Рамсфелд зимни шарҳи ояндаи Ироқ дар назди донишҷӯёни Донишгоҳи Ҷонс Ҳопкинс гуфт: «Ироқ нуқтаи ибтидоӣ барои Хилофати нави исломӣ хоҳад буд. Сипас барои баргардонидани тамоми Ховари Миёна ҳаракат мекунад ва таҳдиди ҳукуматҳои қонунии Аврупо, Африқо ва Осиё хоҳад буд. Ин нақшаи онҳост ва онҳо инро ошкоро изҳор мекунанд. Агар мо рақобатро аз даст диҳем ва якдигарро гӯш накунем ва наомӯзем, мо хатои даҳшатнок хоҳем кард»;
- Таҳлилгари амрикоӣ Карл Вик рӯзи 14-уми январи соли 2006 дар «Вашингтон Пост» гузориши тӯлонӣ пешниҳод кард, ки дар он зикр гардид, мушкилоти барқарорсозии Хилофати исломӣ, ки ба президенти ИМА Буш муқовимат мекунад, мустақиман дар байни мусулмонон баррасӣ мешавад. Вай қайд кард, ки Ҳизби Таҳрир, ки дар бисёр кишварҳо фаолият мекунад, эълон мекунад, ки ҳадафи он барқарор кардани Хилофат аст”;
- Доктор ал-Қадидӣ, ки дар Тунис таваллуд ёфтааст ва айни замон дар хориҷа зиндагӣ мекунад, 17-уми майи соли 2005 дар як рӯзномаи Қатар мақолае бо номи «Олимони Амрико бозгашти Хилофатро то соли 2020 интизоранд», навиштааст. Вай мегӯяд: «Дар саҳифаи 83 гузориши номбурда, ки ин рӯзҳо аз ҷониби созмони Роберт Лаффон таҳти унвони» Хадамоти ҷосусии Амрико ояндаро то соли 2020 чӣ гуна мебинанд? Навишта шудааст: «Ба қарибӣ Исломи сиёсӣ ба зудӣ паҳн хоҳад шуд ва то соли 2020 ба сатҳи байналмилалӣ мебарояд … Мо интизорем, ки ҳаракатҳои исломӣ, қавмӣ ва ватанпарварӣ бо ҳам муттаҳид шуда, ҳукумате ташкил кунанд, ки марзҳои миллиро убур кунад»;
- Сарфармондеҳи нерӯҳои эътилофии салибӣ дар Ироқи ишғолшуда Ричард Майерс гуфт: “Таҳдиди хатарноктарин ва глобалӣ барои Иёлоти Муттаҳида радикализми исломист, ки мехоҳад давлати Хилофатро монанди қарни ҳафтум ташкил диҳад. Ин радикализм дар минтақаҳои ғайр аз Ироқ қавитар паҳн мешавад. Аммо, он дар Ироқ низ фаолият мекунад ва паҳн мешавад ва муборизони муқовиматро бармеангезад, ки алайҳи Амрико дар Ироқ ба фаолияти моддӣ даст бизанад»;
- Президенти Фаронса Николя Саркозӣ 24-уми августи соли 2007 гуфт: «Истифодаи истилоҳоти расмӣ ҳеҷ маъное надорад: ин бархӯрдро гурӯҳҳои ифротие ба мисли Ал-Қоида мехоҳанд, ки орзуҳояшон нақшаи ташкили Хилофатро аз Индонезия то Нигерия дар бар гирад, тамоми чизро аз ҷумла ошкорбаёнӣ, навсозӣ ва андешаи гуногунрангиро рад мекунанд. Агар ин нерӯҳо дар расидан ба ҳадафҳои бадтарини худ муваффақ шаванд, бешубҳа, қарни 21 аз қарни гузашта, ки мӯҳри муборизаи бераҳмонаи мафкуравиро дар бар мегирад, даҳшатноктар хоҳад буд»;
31-уми январи соли 2006 дар сомонаи «Media monitors» як мақолаи Нӯъмони Ҳаниф ба табъ расидааст, ки бо ҷидду ҷаҳд, нуқтаи назари ҳалкунанда ва биниши натиҷаҳои ояндаи муборизаи байни Ғарб ва Ислом фарқ мекунад. Ба ақидаи ӯ, ин ба як натиҷа такя мекунад, яъне Ғарб ба ҷуз истеъфо ба ногузирии Хилофат чораи дигаре надорад. Ин мақола «Хилофат — даъвати Ислом ба низоми байналмилалӣ» ном дорад. Дар он муаллиф менависад: «Дар дохили ҷунбишҳои радикалии исломӣ, эътиқоди бартаридошта бо лоиҳаи давлат ин аст, ки он барои бозгашти қудрати исломӣ ва василаи мубориза бо консепсияи ҷудогонаи фарҳанги Ғарб мебошад. Шояд ҳаракати исломӣ вобаста ба манбаъҳои худ — Қуръони Карим ва таърихи ислом нисбати барномаи барпои Хилофат тавассути фаъолияти ҷиҳодӣ, ислоҳотхоҳон ва сиёсӣ фарқ кунанд. Бо вуҷуди ин, ҳама ҷонибҳои ин ҳаракат ба як ҳадаф мебарад, яъне барқарорсозии Хилофат»;
- Сомонаи расмии ахбори Кохи Сафед аз 20.10.2006 изҳороти Ҷорҷ Бушро нашр кард: «Ин ақидапарастон мехоҳанд давлати Хилофатро ҳамчун давлати ҳукмрон бисозанд. Онҳо мехоҳанд мафкураи худро аз Индонезия то Испания паҳн кунанд»;
- Вазири дифоъи ИМА Доналд Рамсфелд зимни паёми видоъ гуфтааст: «Онҳо мехоҳанд режимҳои исломии мӯътадилро сарнагун карда ба ларза андозанд ва ба ҷои он давлати Хилофат барпо кунанд»;
- Ной Фелдман, устоди ҳуқуқшиноси Донишгоҳи Ҳарвард дар китоби худ «Фурӯпошӣ ва болоравии давлати исломӣ», дар соли 2008 тасдиқ мекунад, ки афзоиши дубораи рейтинги шариати исломӣ имрӯз, сарфи назар аз пастравӣ дар гузашта, метавонад боиси пайдошавии Хилофат гардад.
Фирдавс Салимзода
08.02.2021с
