Заминларза дар Қаҳрамонмараш Сурияро низ фаро гирифт: 5189 нафар ба ҳалокат расиданд
Бар асари заминларзаи 7,7 дараҷа, ки маркази он дар ноҳияи Пазарчики вилояти Қаҳрамонмараш ҷойгир буд, дар Сурия дастикам 5189 нафар ҷон бохтанд.
Дар натиҷаи заминларза, бахусус дар шимоли Сурия, харобиҳои зиёд ба бор оварда, дастикам 5189 нафар ҳалок ва беш аз 7285 нафар маҷрӯҳ шуданд.
Як созмони ғайридавлатии ихтиёрии “Худҳои сафед”, ки дар Сурия фаъолият мекунад, гуфт: “Теъдоди кушташудагон ва маҷрӯҳон метавонад афзоиш ёбад, зеро тамоми хонаводаҳо дар зери харобаҳо мондаанд. Гурӯҳҳои мо амалиёти ҷустуҷӯ ва наҷотро идома медиҳанд.»
Тасвирҳое, ки дар расонаҳо мунташир шудаанд, нишон медиҳанд, ки гурӯҳҳои наҷотбахш дар бисёре аз шаҳрҳо талош мекунанд, то ба афроде, ки зери харобаҳо мондаанд, дар шароити борони шадид кӯмак бирасонанд.
Суриягиҳо, ки аз куштори режими Асад ва Русия фирор карда, дар шимоли кишвар паноҳ бурдаанд, дар хаймаҳо зиндагӣ ба сар мебаранд. Дар миёни хабарҳое, ки аз минтақа мерасад, ҳамчунин иттилое ҳаст, ки биноҳои дар натиҷаи бомбардимони Русия дар Ҳалаб харобшуда низ дар заминларза тахриб шудаанд. Аксари сокинони осоиштае, ки аз дигар минтақаҳои кишвар бар асари ҷанг муҳоҷират карда буданд, дар биноҳое, ки асосан аз бомбаборон хароб шудаанд, барои наҷоти ҷони худ дар онҷо мезистанд.
Созмонҳои имдодӣ гуфтанд, ки бархе аз биноҳо ва бемористонҳое, ки хизматҳои пизишкӣ мерасонданд, барои муолиҷаи захмиён тахлия шудаанд.
Фаолони минтақа мегӯянд, заминларзаи шадиде, ки дар 10 вилояти Туркия рух дод, дар Сурия низ харобиҳои зиёд ба бор овард ва он ҷо низ ба кӯмак эҳтиёҷ доранд.
Манбаъ:
«Köklü Değişim Medya»
11.02.2023
