Кӯдакони Афғонистон аз гуруснагӣ мемиранд ва ҷомеаи ҷаҳонӣ бо захми онҳо бозӣ мекунад.
05.12.21.
Ба гуфтаи СММ, Афғонистон бо бадтарин бӯҳрони ҷиддии гуманитарӣ дар ҷаҳон рӯбарӯ аст, зеро нисфи аҳолӣ пас аз хушксолии шадид ва ишғоли бистсолаи Ғарб бо мизони бесобиқаи фақр ва гуруснагии шадид рӯбарӯ ҳастанд.
Мудири бахши занони Дафтари марказии иттилооти Ҳизби Таҳрир, доктор Назрин Навоз дар шарҳи худ қайд кард: «Боздоштани пардохти миллиардҳо доллар аз ҷониби ҷомеаи ҷаҳонӣ, Бонки Ҷаҳонӣ ва Сандуқи Байналмилалии Асъор ба як кишвари вобастаи кӯмаки хориҷӣ, инчунин тасмими маъмурияти ИМА дар бораи қатъи дастрасии роҳбарияти нав ба 10 миллиард доллар аз захираҳои хориҷии мамлакат, ҳамаи ин иқтисодиёт, нигаҳдории тандурустӣ ва дигар секторҳои хизматрасониро хароб кард, ки боиси бӯҳрони фалокатовари гуманитарӣ гардид.
Аз ин рӯ, Ғарб ба ҳукумати Толибон фишор меорад, то исломи таҳрифшударо дар Афғонистон мувофиқи арзишҳои либералӣ татбиқ кунад. Қудратҳои ғарбӣ ва ҷомеаи ҷаҳонӣ гуруснагиро ҳамчун василаи амалӣ кардани барномаи сиёсии худ барои таъмини ҳукумати дунявӣ дар Афғонистон истифода мебаранд, ки бо роҳи низомӣ ба он муваффақ нашудаанд.»
Доктор Назрин Навоз бо муроҷиат ба Толибон менависад: «Фалокати башарӣ, ки дар пеши назари шумо ҷараён дорад, натиҷаи мустақими вобастагӣ ба кӯмакҳои хориҷӣ ва ниҳодҳои онҳо мебошад.»
Дар идома омадааст: «То он даме, идора аз нигоҳи мукаммали исломӣ бо бунёди Хилофат дар Афғонистон ва дигар кишварҳои мусалмонӣ ба вуқӯъ намеояд, инчунин то он даме, ки модели дунявӣ, ки танҳо заъф ва вобастагӣ овард, комилан рад карда намешавад, Афғонистон ва тамоми минтақа минбаъд аз азияти ноустуворӣ, бӯҳронҳои иқтисодӣ ва офатҳои башардӯстона халос намегардад ва дар итоат ба дастурҳои нерӯҳои беруна ва душманон боқӣ мемонад.»
Шарҳи хабарҳои газетаи «Ар-рая».
12/01/2021
