Танҳо дар Ислом зан ҳуқуқ ва мартабаи баланд пайдо мекунад
Мо мебинем, ки давлатҳои либералӣ дар Ғарб ва берун аз он чӣ гуна бӯҳрон ва пас аз бӯҳронро бо мушкилоти бузурги иҷтимоӣ ва ахлоқӣ аз сар мегузаронанд.
Зӯроварӣ алайҳи занон ва ҷудошавии зиёд дар ин кишварҳо як кори маъмулӣ аст. Тибқи маълумоти Комиссияи Аврупо, аз ҳар се як зан дар Иттиҳодияи Аврупо мавриди хушунат ва аз ҳар дуюм як зан мавриди озори ҷинсӣ қарор гирифтааст. Дар Фаронса ҳар се рӯз як зан аз ҷониби шарики ҳозира ё собиқаш кушта мешавад (The Guardian, 2019). Дар Амрико бошад, ҳар рӯз тақрибан 3 зан бар асари хушунати хонаводагӣ кушта мешаванд (Вазорати адлияи ИМА).
Мо мегӯем, ки ягона роҳи бунёди ояндаи дурахшони зан иҷрои дуруст ва пурраи қонунҳои Ислом аст. Ҳар касе, ки ин қонунҳоро бе тарафкашӣ, бидуни афсонаҳо ва дурӯғҳои мустамликавӣ биомӯзад, дармеёбад, ки Ислом як низоми боэътимод ва бо замон озмудашуда фароҳам овардааст, ки занонро дар ҷомеа эҳтиром мекунад ва онҳоро аз зӯроварӣ ҳифз мекунад. Аллоҳи мутаъол ба зан ҳуқуқҳои сиёсӣ, иқтисодӣ, таълимӣ, иҷтимоӣ ато кардааст. Ҳоким ҳақ надорад, ки ин ҳуқуқҳоро лағв ё тағйир диҳад, зеро ин ҳукми Аллоҳ аст ва он мавриди баҳс қарор намегирад.
16 Раби ул аввали соли 1444 ҳ.
